عودة جديده

السلام عليكم و رحمة الله و بركاته

وحشتونى كتير أنا الحمد لله رجعت لكم تانى و معايا بنوتى الصغنونه رودينه

ادعوا لى ربنا يبارك لى فيها

كم أشتـــــــاق

كم أشتاق لأن أجد نفسى
فى ربوع خضراء جميلة
يانعة بزهورها
ساحرة بجمالها
تمتد الأفاق إلى بعيد
بعيد............. بعيد
أنظر أمامى فأجد شلالات المياه
تتد فق جارية
أجمل ما فيها النقاء
تتلألئ سارية
وسط الربوع الخضراء
أتطلع فوقى فأجد السماء
أرى فيها الصفاء
أسمع حولى الطيور
تشدو بصوتها الرنان
تعزف أجمل الألحان
فى سرب يحكمه النظام
فياله من مشهد رائع فتان
يسلب العقل و الوجدان

كم أشتاق حقا لأن
أحيا وسط هذه الطبيعة الخلابة
أتنفس من جديد نسمات الهواء الفواحه
أتمتع وسط آلاء الله الجذابة

كم أشتاق حقا لأن
أبتعد عن الكراهية و الإصطناع
أذهب بعيدا عن الآلية و زحمة الحياة
أستريح من كد العناء و الشقاء

بقلمى

فى حيـاتـنا و دنـيـتـنا

فى حياتنا و دنيتنا
تروح ناس و تيجى ناس
نفتكر ناس و ننسى ناس
نحب ناس ونبعد عن ناس
و من بين الناس
ناس نفتكر إن هى أصيلة
نقول وجودها فى حياتنا هيزيدها معانى جميلة
هيبقوا معانا وقت أفراحنا و أحزانا
هيعيشوا معانا فى كل لحظاتنا
ومع الأيام يأتى ما لم يكن فى الحسبان
يرحلوا بعيدا عنا بدون أسباب
و يمضى الوقت و تمر الأيام
و يبقى لنا أن نذوق العذاب
و جع القلب و الآلام
نحاول أن نضمد الجراح
ولم يبق لنا منهم سوى ذكريات حزينة
ذكرى مرة أليمة
لما يمر طيفها علينا
تعكر صفو أيامنا و ليالينا
تضّيع منا إحساسنا باللى حوالينا
تكون سبب تعاستنا
نتمنى تبعد عن حياتنا
ننساها و ننسى قسوتها
ننسى أحزانها و اللى كان منها

فى حياتنا و دنيتنا
تروح ناس و تيجى ناس
نفتكر ناس و ننسى ناس
نحب ناس و نبعد عن ناس
و من بين الناس
ناس عشنا معاهم أيام جميلة
ناس دايما عالبال صورهم ولياليهم
كلامهم و أساميهم
ويمضى الوقت و تمر الأيام
ويبقى لنا منهم ذكريات جميلة
ذكرى حلوة لأيام سعيدة
نحب دايما نفتكرها
نتمنى ترجع تانى لينا
تنور حياتنا ببهجتها
ندوق من تانى حلاوتها
نحس أيامها و لياليها
و الفرحة اللى كانت فيها
يعدى علينا جمال ريحتها
نشتاق من تانى ليها
تاخدنا جوه أحضانها
ترجعنا تانى ليها

بقلمى

فـارس أحلامى

إهداء منى إلى فارس أحلامى , بعد وصوله , خطيبى ( ربنا يبارك لى فيه و يحفظه من كل سوء أمين يارب) و باعتباركم كلكم إخواتى هطلب منكم تدعو لنا ربنا يوفقنا و ييسر أمورنا

أراك فارس أحلامى
أراك فى كل وقتى
أراك فى يقظتى و منامى
أراك تأتى إلىّ
تأخذ يدىّ
تجذبنى إليك
إلى عالم آخر
عالمك الفتان

أراك قادم إلىّ
تعلو حصانا أبيضا
تأخذنى هناك بعيدا
إلى ربوة خضراء
أرى أنهار واسعة
تتلألئ فيها المياه
أرى سماء صافية
تغرد فيها الطيور
بصوت ساحر رنان
تشدو بحبنا فى كل مكان
أرى جبال شاهقة الإرتفاع
تغرب الشمس بين ثناياها
نصعد سويا فوق الجبال
ننظر أمامنا
نرى أحلامنا
تعانقنا السماء
تأخذنا بأحضانها
فتغمرنا السعادة كلها
فنصبح أسرى لها
ولسحر الطبيعة الخلاب

أراك فارس أحلامى
تأتى إلىّ بوردة حمراء
أرى حبك قد ملأ أجواء حياتى
بعبير زهرتك الفواح
برقتك و إبتسامتك
أرى جمال الكون أمامى
فتذوب همومى و أحزانى

أرى فى عينيك أجمل أيام حياتى
أرى فى سحرهما
حب و حنان
أختبئ بهما
أشعر بأمان ..... و إطمئنان

أشعر فى نبض قلبك حبك لى
فيصبح قلبك سكنى و عنوانى
تصبح أنت كل كيانى

أحس السعادة بين يديك
تقدمها إلىّ
فتصبح عنوانا لحياتى
سعادة قد إهتزت لها جميع أركانى
أنسى بها كل ما أعيانى
و أصابنى فى زمانى

بقلمى

خطوبتى

السلام عليكم و رحمة الله و بركاته

أولا أنا بشكر كل أخوانى و أخواتى اللى سألوا عليا البوست اللى فات

ثانيا بقدم إعتذارى لأنى ماقدرتش أرد على تعليقاتكم بس معلش اعذورونى النت بيفصل من عندى يعنى مش مستقر قى أى لحظة بيقطع ولما ييجى بيكون فى لحظات صعب أقعد فيها وإن شاء الله أزوركم قريب فى مدوناتكم

ثالثا البوست ده عشان تشاركونى فرحتى

أول يوم شوفته كان يوم الإتنين 9/2/2009 و كانت خطوبتى إمبارح السبت14/2/2009 الحمد لله هى حاجه جت كده مش عارفه ازاى و بقول لكل أحبابى عقبالكم يارب و بطلب منكم تدعوا لى أصل بجد مش متخيله إنى ممكن هبأه مسئوله عن بيت و إن شاء الله عن زوج و أولاد حاسه إن هى حاجه صعبه المسئوليه بعد ماكنت بقعد بس على النت و أروح شغلى فلا تنسونى بالدعاء إن ربنا يوفقنى أنا و خطيبى لما يحب و يرضى و يبارك لى فيه و يكرمنا إن شاء الله

إحـساس جميـل

جوايا إحساس جميل
إحساس بالسعادة بيزيد
حاسه الفرحة جوه قلبى
واخده الدنيا جوه حضنى
حاسه و كأنى طير فى السما بطير
أحلق فى الفضا الكبير
مش فاكرة أى حاجة
ناسية كل حاجة
و كأنى مولودة من جديد
إحساس واخدنى لبعيد
بعيد عن الأحزان
بعيد عن الأهات
إحساس أجمل إحساس
لما تكون عايش فى الأحزان
و فجأة ياخدك إحساس جديد
الحب جوه قلبك يزيد
تتمنى وياه دايما تعيش
أو يزورك كل فترة
يعطيك الأمل و حب الحياة من جديد
تعيش لحظات سعيدة بين الحين و الحين
تدعى و تقول ياربى
الإحساس ده يفضل جوه قلبى
مايروحش منى ويبعد بعيد عنى

بقلمى

أنا و الـبحر

أحب البحرو نسماته الباردة
لكنى أخاف من أمواجه العاصفة
أقف أمامه حائرة
أحيانا أشعر أنى هادئة
أحيانا أخرى أنى خائفة
أرى أمواجه تعلو و تهبط ثائرة
تارة تأتى إلىّ لكى تحضننى
تارة أخرى لكى تهدمنى

أقف أمامه
أسمعه
يهمس إلىّ
أقبلى علىّ
لا تخافى
أسمع إليكِ
فبوحى إلىّ بما عندك
ستجدينى لكِ الصدر الحنون
فقولى لى كل ماهو مكنون
أبوح لكَ
أقول لكَ
لكنى أخاف منك
أخشى أن تأخذ أجمل ما لدىّ
فكما لى ذكرى حزينة
أحمل بين جنباتى أيضا أياما جميلة
أخاف أن تأخذها منى
تذهب بها بعيدا عنى
و تبقى لى الذكرى الحزينة
هنا على شاطئك
فما أجد إلا دموعى تنهمر أمامى
فتصبح لى بحر آخر من الأحزان
بحر آخر من الأوجاع

أحيانا آخرى
أقف أمامه
أحاكيه
يستمع إلىّ
يأخذ منى
شجنى و همى
يلقيه
بعيدا عنى
و يأتى إلىّ
يعانقنى
مقبلا علىّ
بنسمات أمواجه الساحرة
بهمسات أمواجه الدافئه
يؤنسنى أيامى
ينسينى آلامى
يمسح عبراتى
يغسلنى ....... ينقينى
من الأحزان و الآهات

بقلمى

تـــــــــــاج تــــــــــانى

السلام عليكم و رحمة الله و بركاته

التاج ده هديه من أختى ساره ربنا يباركلها و يوفقها لما يحب و يرضى

1- لو كان ينفع تختار عصر تعيش فيه هيبقي انهي؟ ومين الحاكم؟

عصر سيدنا محمد صلى الله عليه وسلم ، كان نفسى أعيش مع الصحابه و أمهات المؤمنين

2- أول أولويه في حياتك؟

رضا ربى عليا

3- أكتر حاجه بتحبها في رمضان؟

صلاة التراويح و القيام و المسحراتى والزيارات

4- أوصف أجمل فطار ممكن تفطره؟

أبدأ بتمر أو كوب ماء وأى بروتين (لحمه أو فراخ ) و شوربة و خضار(الباميه و البسله )بحبهم قوى و بعدين الحلو بيكون قطايف أو جلاش

5- لو انت حاكم هتكون عادل؟ وهتعرف ازاي؟

لو أنا حاكم ان شاء الله أكون عادل بس الواحد طبعا مش معصوم من الخطأ ممكن يظلم و هو مش واخد باله و لو حصل منى ظلم أكيد هحس لأنى من النوع اللى بيحاسب نفسه

6- مين أكتر اعلامي بتحبه؟

الشيخ محمد العريفى و الشيخ محمد حسان و الشيخ محمود المصرى والشيخ محمد يعقوب

7- لو ممكن شغلانه تانيه تختار ايه؟

شغلانه تانيه كان نفسى أكون مذيعه

8- تاني بلد تحب تعيش فيه بعد مصر؟

أنا بحب مصر قوى و لو حبيبت أعيش فى بلد تانى يبقى عند الرسول عليه الصلاة السلام عند بيت الله الحرام

9- اوصف ترتيبات أجمل فرح ممكن تحضره؟

أهم شئ النظام و مش بحب البذخ و الإسراف و طبعا الأطفال يكونوا هاديين ولو ان ده شئ صعب

10- بتراعي كلام الناس والقيل والقال؟ وليه

الواحد مش عايش لوحده حوالينا ناس طبعا أكيد بتأثر بكلام الناس و يمكن أزعل بس طول ما أنا صح الحمد لله مش بيهمنى وأحسن حاجه ممكن نقولها حسبنا الله و نعم الوكيل

11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

الحاجات دى طبعا زى مالها مميزات لها عيوب بس متهيألى هنام تانى أو هحاول أتأقلم مع الوضع الجديد طالما الكل هيبقى كده معايا فى نفس الوضع

12- السعاده هي ... ؟

السعاده هى رضا ربى عليا و القناعه و مساعدة الأخرين

13- عندك أمل؟ وأسبابك؟

الحمد لله عندى شوية أمل و الا ماكنتش هكون عايشه لحد دلوقتى

أسبابى أملى فى ربنا كبير

14- لما تحب تهرب من كل حاجه بتروح فين؟

لما بحب أهرب من كل حاجه أصلى أو أقرأ قرآن

15- امتي أخر مره أخدت فيها نفس وقلت ياااااه أنا كبرت؟

مش فاكرة بالتحديد بس لما بكون مسئولة عن شئ صعب أو بفكر فى حل مشكله

16- بتشرب سجاير ولا لا؟ وايه رأيك في الستات والرجاله اللي بيشربوا؟

لا طبعا

الستات و الرجاله اللى بيشربوا لا طبعا دا شئ مش كويس خالص ربنا يهديهم و يبعدهم عن السجاير أولا عشان حرام ثانيا عشان صحتهم

17- بتعرف ايدك الشمال ازاي؟

ايدى الشمال مش بكتب بيها و لا باكل بيها

18- أكتر آله موسيقيه بتحبها؟

مش بحب ألات موسيقيه

19- ليه الزوق والنخوه اتعدموا؟

الزوق و النخوة مااتعدموش بس قلوا بسبب البعد عن كلام ربنا سبحانه وتعالى

20- ايه الحاجات اللي لو حصلت هتبقي سعيد؟

تنتصر الأمة الإسلاميه

نحرر المسجد الأقصى

أزور بيت الله الحرام

الناس كلها تحب بعضها

ربنا يرزقنى الزوج الصالح

أشتغل بتخصصى اللى هو اللغه الإيطاليه أصل صعبانه عليا و خايفه أنساها

21- تحب أرض زراعيه ولا اجنس عربيات ولا كام عماره ولا فلوس في البنك؟

إن كان من ناحية الثراء مش عايزة حاجه ، لكن لو بيت مثلا فى وسط أرض فيها خضرة و وزهور يكون جميل جدا

22- تحب البحر ولا النيل؟

البحر والنيل بحبهم بس بخاف من منظر المياه عموما

23- مركب ولا طياره؟

ماركبتش طيارة قبل كده ، أما لو مركب فى نزهة فى النيل وقت الغروب يكون جميل قوى

24- شخص مجنون ولا عاقل؟

شخص عاقل بس يكون مرح

25- تقرا كتاب ولا تتفرج علي فيلم؟

أقرأ كتاب

صاحبة عمرى و حياتى

الخاطرة دى كتبتها لصاحبة عمرى فى فترة بعدها عنى بسبب ناس فرقوا بينى و بينها لكن الحمد لله مابعدناش عن بعض كتير وده كان إحساسى تجاهها فى الفترة دى كانت دايما جوه منى وعلى الرغم من إن ظروف الحياة باعدت بينا لكن هيفضل حبى ليها إن شاء الله

صاحبة عمرى و حياتى

كانت هى أعز ماليا
صاحبتى أختى
غاليه عليا
كانت بسمه
رقيقة جميلة
حلوة أصيلة
فيها حنية و طيبة عليا

كانت واقفه معايا
فى ضيقى و حزنى
فى كل صعابى اللى عدت بيا
فى وقت حزنى الآسى عليا
فى وقت جرحى تواسى فيا
فى وقت فرحى قريبه ليا
ياما هونت عليا
مسحت دموع عينيا
سَنَدت عليها
و سَنَدت عليا
سِمعت ليها
و سِمعت ليا
كانت صاحبة عمرى و حياتى
كانت أختى و أكتر شويه
كنا أصحاب أحلى أصحاب فى الدنيا ديه

ماكنتش عارفه
إن هييجى يوم عليا
أبعد عنها و تبعد عنى
يوم أشوف فيه الآسيه
و فرقتنا أنا و هى

فى وقت بعدها عنى
حاساها قريبه منى
شايله لها جوه منى
كل ذكرى جميلة عندى
عايشه بيها
مأثرة فيا
بدعى لها دعوة نديه
ربى يقبلها من قلبى ليها هى
أشوفها دايما فى أحسن حال
يجيلى عنها أحلى الأخبار
و لو هى بعيده عنى
كفايه ده يطمنى
و لوإن الحزن فيا
هافقدها الأيام اللى جايه
عمرى ماهنساها فى حياتى
صاحبة عمرى و حياتى فى الدنيا ديه

بقلمى

تاج هديه ليا

السلام عليكم و رحمة الله و بركاته

التاج ده يا جماعه ماكنتش متوقعه انى أجاوب على أسئلته أبدا ، التاج أصلا أنا أهديته لأميرة (غربتى ) و بعدين أنا و أميرة أهدينا هذا التاج للأخ المعتصم و الأخ معتصم حب يخلص تاره فأهدانى التاج و من حفر حفرة لأخيه و قع فيها

و طبعا أنا لازم أجاوب على الأسئله بدون أى اعتراض

أنا طبعا بشكره و ربنا يكرمه يارب و يوفقه لما يحب ويرضى

1- بدأت تدونى امتى ودخلتى عالم التدوين ازاي ؟

دخلت عالم التدوين فى شهر نوفمبر 2008 و ماكنتش أعرف حاجه عن التدوين لكن صاحبتى د/ ولاء صلاح صاحبة مدونة دمعة حنين هى اللى عرفتنى

2-مين أكتر حد بتحبى تعليقه على بوستك الجديد؟

بحب كل الناسى اللى بتعلق عندى و تفيدنى برأيها و نقدها

3-ايه أهم حاجة اتعلمتيها من التدوين؟

اتعلمت من التدوين حاجات كتير منها أنى أشارك فى الرأى وأقول رأيى و أعبر عن نفسى وأعبر عن غيرى وأحس بمشاكل غيرى

4-حاسه ان التدوين له تأثير؟

طبعا التدوين له تأثير كبير بس ده بيكون على حسب الحاجه اللى بتتكتب لو حاجه كويسه أكيد التأثير بيكون كويس و على العكس طبعا لو بنكتب حاجه مش كويسه
ربنا يجعلنى دايما أكون سبب فى تأثير كويس

التدوين سبب فى تكوين صداقات جميله ليا صداقات أساسها الحب فى الله

5-اذكرى خمسة أحلام تخص مستقبلك؟

1- ربنا ينصر المسلمين و يذل المشركين و نحرر المسجد الأقصى إن شاء الله

2-ربنا يرضى عنى و يجعلنى من أهل الجنه ويرزقنى لذة النظر إلى وجهه الكريم و ينعم عليا برؤية سيدنا محمد صلى الله عليه وسلم

3- ربنا يرزقنى الزوج الصالح اللى يخاف عليا و يتقى الله فيا و يرزقنى الذريه الصالحه

4- ربنا يرزقنى زيارة بيته الحرام يااااااااااااااااااااه نفسى أروح أصلى هناك و أشوف الكعبه و أقعد أعيط هناك

5- نفسى أشتغل بتخصصى اللى هو الإيطالى أصل درسته فى الكليه 4 سنين وصعبان عليا قوى ركنته , أنا الحمد لله صحيح بستخدم الإنجليزى دلوقتى فى شغلى بس نفسى أشتغل بالإيطالى مش طمع والله بس عشان ماأنساش الإيطالى

6- اذكرى شخصين على الأقل متواجدين في حياتك حاليا كنت تود وجودهم من زمن؟

هو الأكيد إن كل إنسان بيظهر فى حياتى بيكون بسبب و له تأثيره فى الفتره اللى بيظهر فيها

و من الشخصيات اللى بحبها هى والدة صاحبتى (قمة فى الحنيه و الطيبه ) كان نفسى تكون موجوده فى حياتى من زمان

7-على من تطلقى الرصاص؟

أطلق الرصاص على الكفرة اللى بيضروا المسلمين

8-ماهى السعادة من وجهة نظرك؟

السعادة شعور جميل جدا بتيجى من الرضا بقضاء الله و قدره و من القناعه

9-كيف تصلى إلى السعادة؟

أصل إلى السعاده بالقناعه و الرضا بقضاءالله و قدره ، أصل إلى السعادة بإنى أساعد أى إنسان محتاج

10- هل السعادة وهم أم أنها حلم صعب؟

السعادة لا هى وهم و لا هى حلم صعب هى احساس جميل لما بيمر عليا طيفه بتمنى انى أعيش فيه على طول

11-ماهى أكثر اللحظات التى شعرت فيها بالسعادة؟

أكثر اللحظات اللى شعرت فيها بالسعادة لما بحس أن ربى راضى عليا أحيانا الواحد مننا بيحس انه ربنا راضى عليه ساعتها بجد بيكون احساس جميل جدا كأنى ملكت الدنيا كلها و مش عايزه حاجه تانيه وبكون مش عايزه الإحساس ده يسيبنى و يبعد عنى

كمان من اللحظات اللى شعرت فيها بالسعادة لما نجحت فى الثانويه العامه و قالوا لى مبروك طلعتى الأولى على المدرسة كنت بجد هموت من الفرحه و مش مصدقه نفسى

12-هل أنت متفاؤل وعندك أمل؟

الحمد لله عندى شوية تفاؤل و أملى فى ربنا كبير

13- ايه أكتر شئ بتحبيه و أكتر شئ بتكرهيه؟

أكتر شئ أحبه الهدوء و الحنان و أكتر شئ أكرهه الظلم

14- ضعى مرادف أو تعريف من عندك لكل كلمه :
الحب : احساس جميل، الحياة تكون صعبه من غيره
الحنان : إيد تطبطب عليا بحنيه و تسألنى ع اللى بيا
الرحمة : رحمة ربنا التى وسعت كل شئ ، الرحمة بشوفها فى تعاليم الدين الإسلامى فى حاجات كتير مثلا لما ربنا يعطينا الحسنه بعشرة أمثالها والسيئه بسيئه، ربنا يرحمنا برحمته

التفاؤل : سر الحياة ، من غيره هيكون فيه تشاؤم والحياة تبقى صعبه قوى بالتشاؤم
السعادة : رضا ربى عليا ، و القناعه

15- ما هى مواصفات فارس أحلامك؟

أهم شئ يكون على خلق و دين ، يتقى الله فيا ، صبور ، و مهم جداجداإلى مالا نهايه إنه يكون حنون، يسألنى كل يوم قرأتى وردك فى القرأن النهارده ؟، يكون مثقف ويعرف أكتر منى

16-صفات تتمني تكون موجوده فيكي ؟

أكون حسنة الظن ، و أكون جريئه شويه (مش قوى)لأنى احيان كتير بكون خجوله ، الجرأه الزياده عن اللازم مش حلوه

17- اصعب موقف حصلك واطرف موقف؟

أصعب موقف مريت بيه لما كنت مسافرة مصر عشان الكليه و راحه أسكن فى المدينه الجامعيه كانت أول مرة أسيب بلدى وقعدت أعيط ساعة ماسابونى و مشيوا

موقف تانى معلش يا جماعه استحملونى لما سافرت مصر فى الأول ركبت المترو،و المحطه اللى هنزل فيها عدت عليا و اضطريت أنزل فى محطه تانيه وكنت وصلت مصر بالليل كنت خايفه بس الحمد لله ولاد الحلال قالوا لى أغير الإتجاه ووصلت مدينتى بالسلامه

أطرف موقف حصل لى لما كنت فى المدينه طبعا انتم عارفين العيشه هناك ازاى كان عندنا فى الأوضه سرير بدورين كانت نسرين صاحبتى فى الدور الأول المهم طلعت انا فى الدور التانى و طلع معايا هناء و رانيا عشان نقعد فوق هههههههه ماتشوفوش اللى جرا السرير كان هيقع بينا عينك ماتشوف الا النور نسرين بقت هتموت من الخوف تحت أحسن نقع عليها و أحنا فوق ميتين من الضحك عايزين حد يمسك السرير عشان ننزل

18- الصفات اللي بتحبيها وتكرهيها في نفسك ؟

الصفات اللى بحبها فى نفسى الإصرار لما بكون عايزة أعمل حاجه لازم أعملها ماعرفش أنام إلا لما أعملها ، بحب أعرف أى حاجه فى كل حاجه يعنى بحب أتعلم و أتثقف ، بحب فى نفسى الإخلاص

الصفات اللى بكرهها فى نفسى مش بقدر أنسى الأسيه لو حد قسى عليا بفضل فاكرة وبحاول دايما و بدعى ربى انى أكون دايما من اللى بيسامحوا، وبكره فى نفسى الحساسيه الزياده عن اللازم هى اللى جايبانى لورا

19-حاجة عملتيها قبل كده وتتمني تعمليها تاني؟ حاجة عملتيها قبل كده وماتتمنيش تعمليها تاني؟

الحاجه اللى عملتها قبل كده و أتمنى أعملها تانى أروح تانى مع صحباتى مسجد النور فى العباسيه كنا روحنا هناك شله لما كنا سوا فى مصر أيام الدراسه

وحاجه تانيه عملتها ونفسى أعملها تانى نفسى أروح معرض الكتاب

أما الحاجه اللى عملتها وماتمناش أعملها تانى هى لما اتخرجت من الكليه قالوا ان فى مسابقه هتنزل للتوظيف الحكومى بس عشان تتقبلى فيها لازم تعملى محو أميه ل15 فرد على الأقل وطبعا قعدت أدور على أميين ولازم أقنعهم عشان يعطونى صوربطايقهم اتبهدلت بهدله ولما زهقت سيبت الموضوع ماقدرتش أكمل فيه بس الحمد لله على كل شئ

20-ايه رأيك في الحب وبكل صراحه؟

الحب احساس جميل، صعبة الحياه من غيره

21- لخصي الحياه في سطر واحد؟

الحياة قصيره ، دار امتحان و ابتلاء ، ربنا يخرجنا منها على خير

22-امتى وليه تخبي دموعك وضحكتك؟

أنا للأسف مش بقدر أخبى دموعى خالص أنا عامله زى الحنفيه اللى بتتفتح

أخبى ضحكتى لما يكون اللى قدام منى زعلان و حزين

23-لو جتلك الفرصه تعبري عن شعورك تجاه شخص معين هتقوليه ايه ادام كل الناس؟

لو شخص عزيز عليا هعبر عن شعورى لكن فى حدود و باحترام لأن طبعا لازم يكون عندى حياء

لو شخص مش بحبه هسكت مش هقول حاجه

24-اكتر حاجة بتعمليها في يومك؟

طبعالازم بروح شغلى ، قاعده قدام الكمبيوتر والنت

25- مثلك الاعلى اللي تتمني تبقى زيه؟
مثلى الأعلى طبعا سيدنا محمد صلى الله عليه وسلم وبعدين أى شخصيه تكون ناجحة وتلفت انتباهى بنجاحها

26- الحاجه اللي لو ربحتيها اكنك ملكتي العالم كله؟

رضا ربنا عليا ياااااااااااااااااااااااه ،يارب يرضى عنى

27- نقطه ضعفك؟

نقطة ضعفى الحساسيه الزيادة عن اللازم ، وقلبى ضعيف بيتأثر بأى شئ بسرعه

28- لو تحبى تهدى التاج لشخص تهديه لمين؟

أهدى التاج لكل شخص شاركنى أفراحى وأحزانى هنا فى مدونتى

الرحيل إلى عالم أخر

كم أنا فى حاجة شديدة حقا لأن أبعد عن هذا العالم ، العالم الذى أحيا فيه عفوا بل أموت فيه كل يوم بين أُناس ليسوا بأُناس ، بين بشر ليسوا ببشر ، فلم يعد لى حيلة بهم لا أدرى كيف أتعايش معهم ؟ ماذا أفعل معهم ؟
لا أعلم كيف أطلق عليهم لفظة بشر ؟ كيف أقولها ؟ كيف أنطقها ؟
و قد أصبحت كل أفعالهم و أقوالهم تنافى البشرية لا تمط بأى صلة للإ نسانيه. لقد ظنوا أن حياتهم أبديه و نسيوا أنه سيأتى يوم نرحل فيه , سيأتى وقت نُحاسب فيه , ستأتى ساعة يُعرض فيها الكتاب .
نسيوا قول رب العالمين " وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَـذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا وَوَجَدُوا مَا عَمِلُوا حَاضِرًا وَلَا يَظْلِمُ رَبُّكَ أَحَدًا "
أصبح كل ما يحملوه فى جعباتهم صفات وحشيه صفات تنم عن الظلم و الجشع ، عن الخداع و الطمع , عن القسوة و الأنانيه
إنهم يحملون كل هذا بل و أكثر من هذا يمتلكون قلوب ليست هى بقلوب أقول إنها حجر لا و الله ماهى بحجر
فلقد قال رب العزة سبحانه و تعالى " وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللَّه "
فأنا لا أعلم حقا ماذا يمتلكون بين ضلوعهم أهى قلوب أم شئ أخر؟؟
أترون ما أنا فيه ، أتشعرون بما أعانيه أليس لى الحق بأن أشد رحالى من هذا العالم , عالم الزيف و الإصطناع ، إلى عالم أخر
فأنا فى حاجة ماسه لأن أنسى كل من هم حولى
أقطن مع نفسى فى عالم أخر قد يكون من خيالى
عالم يملؤه الصدق و الشفافيه
عالم يفيض بالحب و الوفاء ، بالصفاء و النقاء
عالم يُرفرف فيه علم الإنسانيه
عالم تخفق فيه القلوب بالحب و الرحمة الربانيه
عندما يغلبنى هذا الإحساس و يسيطر علىّ الشوق للرحيل عن هذا العالم الأنانى أمسك بقلمى لعلى أجدنى فى عالمى الحانى لعلى ألقى راحتى بين سطورى أو تستكين ذاتى وسط كلماتى فتفضفض لها عن ألامها، تهمس لها بخلجاتها و تحكى لها عن أنّاتها
لعل كلماتى تشد من أزرى فتواسينى أو قليل من الصبر تعطينى فتمنحنى قوة أحيا بها ، أتحمل بها العناء وسط هذه الحياة

بقلمى

أمى فلسطين

أمى فلسطين
مسرح النبوات
زهرة المدائن
أرض الزيتون
أولى القبلتين
ثالث الحرمين الشريفين
لكى الله يا فلسطين
لقد قرأت هذا الدعاء وأحببت أن ندعوا به سويا
فلنسأل الله رافعين الأيادى وندعوه
اللهم يا سامع السر والنجوى يا كاشف الضر والبلوى ، يا كاشف الكرب يا سميع يا عليم يا منتقم يا جبار
اللهم انصر شعب فلسطين على اعدائك اعدائهم اليهود اللهم اجعل لاهل فلسطين النصره والعزه والغلبه والقوه والهيبه في قلوب اعدائهم اللهم اشفي جرحاهم واطلق اسر اسراهم اللهم انصر مجاهديهم في سبيلك في برك وبحرك وجوك
اللهم صبر اهالي الشهداء والمجاهدين يا رب ، اللهم اعز الاسلام في قلوبنا لنقف يدا واحدة امام اليهود ونحرر القدس الشريف ، اللهم اعز الاسلام والمسلمين
اللهم عليك باليهود الظالمين اخذلهم، ورد كيدهم إلى نحورهم، اللهم مزقهم كل ممزق، اللهم أهلكهم.اللهم انشر الوباء بينهم، اللهم سلط عليهم الأمراض والصواعق والزلازل والمحن. اللهم أهلكهم كما أهلكت إرم وعاد، اللهم صاعقة كصاعقة عاد وثمود،اللهم سلط عليهم ريحا صرصرا. اللهم صب عليهم سوط عذاب، فإنهم قد طغوا في البلاد، وأكثروا فيها الفساد، وقتلوا العباد، إنك لهم بالمرصاد، اللهم أحصهم عددا، واقتلهم بددا، ولا تغادر منهم أحدا
أمين يارب العالمين

صبرا آل غزة

أنا مش عارفه بصراحه أقول ايه بعد اللى شفته النهارده اللى بيحصل فى غزه ، والله بعد ماشفت مشهد واحد فقط من اللى بيحصل هناك وجدت نفسى لا أقوى على الحركة و الدموع قد انهمرت من عينى و قلبى ينبض حزنا و ألما فمسكت قلمى ويدى ترتعش من هول مارأيت لكى أعبر عن حزنى المكتوم و نفسى المكلوم

يا فلسطين يا فلسطين
عشتى حرة يا فلسطين
أبيتى الذل يافلسطين
عاش شبابك يا فلسطين
هم أسودك يا فلسطين
هم سيوفك يا فلسطين
ربى يحرسهم و يصونك
من غدر الصهاينه المحتالين
عاش أطفالك يا فلسطين
عاش أبناءك يا فلسطين
يكفيهم عزا وهم ثابتين
حملوا حجارك مش خايفين
فى وجه عداكى يا فلسطين

يا فلسطين يا فلسطين
بدعى ربى من كل قلبى
يستر كل إخوانى فى فلسطين
ينصرهم رب العالمين
يصبر قلب أمى
أم الشهيد فى فلسطين
فلتفرحى يا ام الشهيد
فابنك ذخرا فى الجنة
عند رب العالمين

صبرا آل غزة
صبرا آل فلسطين
سيأتى يوم يا فلسطين
تُـزاح همومك يا فلسطين
يُـفرج كربك يا فلسطين
يُـرفع علمك يا فلسطين
نُصلى جماعة فى أقصاك يا فلسطين

يا فلسطين يا فلسطين
عجزت أن أكون جوارك يا فلسطين
ولكن لا و لن يعجز لسانى عن دعوة رب العالمين
حسبنا الله و نعم الوكيل

أقولها و أفوض أمرى إلى ربى
ربى يدمر أعداء الدين
ربى يهزم أعداء الإسلام و المسلمين
أعداء رب العالمين
فلتقبلى عذرى يا فلسطين
و ليغفر لى ذنبى الرحمن الرحيم
و لا حول و لا قوة إلا بالله العلى العظيم
و إنا لله و إنا إليه راجعون
فليأجرنا فى مصيبتا رب العالمين

بقلمى

الهروب

أشعر بشئ ما يخنقنى

يكتم أنفاسى

يأخذنى إلى أسفل

يشدنى إلى الحضيض

لا أعلم إلى أين يسقطنى

تسود الدنيا بعينى



أحس نفسى مكبلة

بقيود من حديد

لا أقوى على فك القيود

لا أستطيع الهروب من الأحزان

فهى تركض ورائى

لا أستطيع البعد عن التفكير

فهو يلاحقنى أينما أسير

يلاحقنى يلاحقنى

ليتنى أنسى التفكير فى الماضى

ليتنى لا أحمل هما لما هو قادم

أكاد أموت خوفا

الخوف يمزقنى من الداخل

يقطعنى إلى أشلاء مبعثرة

لا أقوى على جمع أجزائى

تجمد عقلى

شٌلت أفكارى

عن كل ماهو جميل

فى هذه اللحظة

التى غالبا ما تنتابنى وتحاصرنى

و كأنى فى سجن كبير

لا أستطيع الهروب منه

لا أرى أمامى وخلفى سوى القضبان و الجدران

قضبان عقلى و قضبان حولى تحيط بى و تأسرنى

أشتاق لأن أتنفس نسيم الحرية

أهفو لأن أخرج من سجنى

أتوق إلى الرحيل بعيدا عن نفسى المظلمة

و اللجوء إلى نفس مبهجة



أعيش حياتى

أضحك و أضحك

أقفز هنا و هناك

لا يوجد أسوار ولا أحزان

فأحيا من جديد

كما لو أننى طفل صغير


بقلمى

الحب فى الله إلى صديقتى آيه

هذه الكلمات أهديها إلى صديقتى آيه صاحبة مدونة إحساسى بشكل جديد

إلى صديقتى الجميلة آيه
أحلى آيه
آية الصداقة و عنوانها
جمالها ونقائها
إن عينى لم تراكى
لكن قلبى قد ناداكى
كى تكونى صديقتى
لقد شهد على حبى لكى
لمس فيكِ الوفاءِ
رأى فيكِ الصداقة و الإخلاص
طلبت منك العون فلم تتأخرى
بل جودتى بكرمك عليا وعلمك ليا

بدعى ربى يحميكى
يباركلى فيكِ
يهنيكى و يحقق كل أمانيكى
يجمعنا معا فى الجنة سويا
أنا وإنتِ و المتحابون فى جلاله


أحبك فى الله آية
أحبك فى الله صديقتى
أحبك فى الله أختى و حبيبتى
وهذه كلماتى تخرج من قلبى
تحمل أسمى المعانى
أرسلها إليكى هدية
فلتكن عنوان الصداقة القوية
عنوان المحبة و الأخوة الحقيقية

بقلمى

دنـــيا غريبة

دنيا غريبة
حياة أليمة
الناس أغرب و أغرب
الكل فيها يقول:
أنا و بعدى الطوفان
الكل عا الكل هان
لا حد يراعى حد
لا حد يحب حد
ده شئ بقى فوق الحد
حياة عجيبة,, لأ دى حياة مستحيلة
حياة تخلى الواحد فى حالة حزينة
حزين عا الدنيا الغريبه

أحزن على إيه و لا إيه؟!
عاالكدب و الخداع
عاالظلم و الجشع
عاالغدر و الخيانة
و لا إنعدام الأمانه
على قلبى اللى إنكسر ومن شجونه إنفطر
إنكسر من كتر ماشاف
فى الدنيا دى من أحزان
والسبب يرجع لناس
ناس تفتكرها ناس
لكن فى الحقيقة
هى حاجه غريبه و الإسم أصبح بشر

حرام عليك يا بشر
الحب فينا إنكسر
الدمع جوانا إنهمر
حرام عليك يا بشر


يا قلبى يا مهموم
فوق من همومك فوق
و لا تخلى الناس تنزع الإحساس
من قلبك الحساس
اصبر يا قلبى اصبر
بكره ها ييجى يوم
ربك يزيح الهموم

يا قلبى يا مكسور
زيك زى عصفور مجروح
من جرحه مش عارف ينام
ولا حتى عارف يطير
مش عارف يغنى
خلاص أصبح أسير للجرح و لللأنين
اصبر يا قلبى اصبر
أكيد ها ييجى يوم
تتداوى فيه الجروح
و تخرج من جوه أسرك
تغنى بأعلى صوت

يا قلبى يا مظلوم
بقيت م الظلم و الألم
و كأنك عايش فى عدم
بقيت من كتر الهموم
سحابه فى سما مليانه غيوم
يا قلبى يا مظلوم قوم من وسط الهموم
أكيد هاييجى يوم يحل فيه الربيع
يمحى فيه الغيوم
و تعيش من غير ألم
و الظلم يروح للعدم

بقلمى

فى متاهات الحياة

فى متاهات الحياة
أجد نفسى
تائهة
حزينة
لا أعلم لى طريق
ما أراه أمامى إحباط و ضيق
وما هو خلفى ماضى كئيب
لا أرى شئ جميل
لا أجد لى حبيب
الوقت قد ضاق بى
الهم قد فاض بى
الحزن يخنقنى
يعتصرنى

أجد نفسى
غارقة فى بحر عميق
لا أستطيع التنفس
أشعر بالموت القريب
أتمنى من يأتى إلىّ
يمد يد العون
ينشلنى من الضيق

أجد نفسى
تائهة فى دروب الصحراء
لا أرى أمامى سوى السراب
أرى طريق طويل مخيف
أكاد أموت عطشاً
الشمس تلفحنى بلهيبها الشديد
أتمنى أن أجد ماءاً أروى به عطشى الشديد
أو أجد لى ظلاً قريب


أجد نفسى
فى طاحون الدنيا الكبير
دوران شديد
منهكة
متعبة
أكاد أفقد الوعى
فلا أجد لى غير الحزن و الهم صديق
أتمنى أن أجد مكانا أستريح فيه من التعب الشديد


أجد نفسى
هائمة فى الطرقات
حوائط هنا جدران هناك
قد أعيانى طول الطريق
تفكير و تفكير
قد أسرنى التفكير
فهل لى من طريق مفتوح
أخرج من ظلمات التفكير و أبوح


لكن فى النهايه
فى هذه المتاهات
فى جميع الأوقات
لا بد من فرج قريب
فبعد كل عسر يسر أكيد
أنظر فوقى
أجد ربى قريب مجيب
ألجأ إليه فى كل و قت و حين
فيفرج كربى و همى
ويرفع البلوى عنى

بقلمى

يوم العيد

بكره الوقفه
و بعده العيد
يهل علينا

بفرحة ........ونشوة.......وحب جديد
حب أهلى وخلانى
حب إصحابى وجيرانى

حبى وحبك

فى يوم العيد
فى صلاة العيد
الصبح بدرى
الكل يصلى
بقلب نضيف
يدعى ربه
" بعيد سعيد"

فى يوم العيد
عندى و عندك
هنا و هناك
أطفال ماليه علينا المكان
كأنها ورد فى بستان
أطفال البراءه فى عينيها
تباشير السعادة حواليها
أطفال تجرى و تلعب بعيد
لابسه جديد
فى إيدها العيديه
تغنى و ترقص
ليوم العيد

فى يوم العيد
الناس فى عينيها الفرحة
يهنوا بعض بحب ولهفة
نسيوا الخصام
رجع الوئام
بين الأنام

فى يوم العيد
حاسه الحب جوه قلبى
نفسى أخد الدنيا فى حضنى
و أدعى و أقول ياربى
يجعل أيامنا أعياد
و الفرحة فى قلوبنا تزداد

بقلمى

ليه الغدر و الخيانة؟؟؟؟؟

ليه الغدر والخيانة؟؟؟؟؟؟

آآآآآآه و آآآآآآه من الغدر
لما يكون من أغلى الناس
ناس تشوفها قريبه منك
و الأصل هى بعيده عنك
ناس تقول إنها بتحبك
وهى ما تعرف حتى قيمتك
ما تعرف إيه هو القلب
و لا حتى تعرف معنى الحب

ناس قلوبها خاويانه
ناس فى الدنيا طمعانه
ناس فى إيدها سكينه
سكينة الغدروالخيانة
تطعنها فى قلوب ناس تانيه مسكينه

ناس الطيبه معدنها
الحب مزروع فى قلوبها
كأنه ورد فى بستان
محتاج اللى يرويه بأمان
يعطيه الحنان
مش يطعنه بالغدر و الخيانة
ويقتله بكل إستهانه

دى قلوب الحب عنوانها
الإحساس تاجها و كيانها
تحب الخير لكل إنسان و إنسانه

طب ليه الغدر و الخيانة؟؟؟؟؟؟؟؟
لقلوب تراعى الغير
لقوب مخلصه وعايشه بضمير

ده حرام تكون دى النهايه
طعنة غدر وخيانة لقلوب عايشه بأمانة!!!

بقلمى

ندم وعتاب

هذه الخاطرة حوار بين زوجين بعد أن ترك الزوج زوجته من أجل أخرى


هى تراه هناك بعيداً
تسأل نفسها
هل يكون هو؟
هل أذهب إليه؟
تمشى نحوه ببطئ
وقد ثقلت قدماها
الدموع ترورق فى عيناها
هو يأتى إليها هرولة
يتمنى أن تحمله الرياح
و تضعه أمام عيناها
يركض نحوها
إشتاق لصوتها.....
لهمسها....
لكلامها...
يخفق قلبه
يسأل نفسه
هل لها أن تسامحنى؟
ها هو وصل إليها فإذا به أمام عينيها
قالت له : أ هو أنت؟
قال لها : نعم
قالت : ما الذى أتى بك إلى هنا؟؟؟
بعد أن تركتنى من أجلها
من أجل أخرى
قال: أتيت إليكِ راجيا السماح
فهل لكِ أن تسامحينى؟؟؟
حبيبتى
أميرتى
يا نجمة حياتى
لقد فقدت بدونك طريقى
و قد أصبح أشواك و عثرات
قالت : أسامحك كيف؟؟؟
بعد أن تركتنى هنا وحيدة
شريدة بين الذكريات
لم يعد لى سوى الأهات
كبلتنى الهموم و الأحزان
و ألبستنى رداء الحزن بدون حسبان

الآن لقد أصبحت أسيرة للذكريات
لللأحزان و الأهات

والسبب أنت
أنت يا من كنت منية الروح
يا من كنت مهجة القلب
يامن كنت كيانى و ذاتى
الآن بسبك أعانى
الآن حبى إليك صار تعذيب إلىّ
الآن تطلب منى أن أسامحك , أن أرجع إليك
فتسأل نفسها
هل أسامحه و أبدأ معه صفحة جيده؟
أم أتركه و أعود إلى همومى و ذكرياتى وحيدة حزينة؟


معلش يا جماعه أنا تركت لكم النهايه مفتوحه
كل واحد يختار النهايه اللى تعجبه

وفى نفس الوقت , أحب أن ألفت إنتباه كل زوج إلى زوجته
فلا بد له أن يراعيها و يحسن إليها

بقلمى