أحب البحرو نسماته الباردة
لكنى أخاف من أمواجه العاصفة
أقف أمامه حائرة
أحيانا أشعر أنى هادئة
أحيانا أخرى أنى خائفة
أرى أمواجه تعلو و تهبط ثائرة
تارة تأتى إلىّ لكى تحضننى
تارة أخرى لكى تهدمنى
أقف أمامه
أسمعه
يهمس إلىّ
أقبلى علىّ
لا تخافى
أسمع إليكِ
فبوحى إلىّ بما عندك
ستجدينى لكِ الصدر الحنون
فقولى لى كل ماهو مكنون
أبوح لكَ
أقول لكَ
لكنى أخاف منك
أخشى أن تأخذ أجمل ما لدىّ
فكما لى ذكرى حزينة
أحمل بين جنباتى أيضا أياما جميلة
أخاف أن تأخذها منى
تذهب بها بعيدا عنى
و تبقى لى الذكرى الحزينة
هنا على شاطئك
فما أجد إلا دموعى تنهمر أمامى
فتصبح لى بحر آخر من الأحزان
بحر آخر من الأوجاع
أحيانا آخرى
أقف أمامه
أحاكيه
يستمع إلىّ
يأخذ منى
شجنى و همى
يلقيه
بعيدا عنى
و يأتى إلىّ
يعانقنى
مقبلا علىّ
بنسمات أمواجه الساحرة
بهمسات أمواجه الدافئه
يؤنسنى أيامى
ينسينى آلامى
يمسح عبراتى
يغسلنى ....... ينقينى
من الأحزان و الآهات
بقلمى
52 التعليقات:
زينب الرومانسية كالعاده
ايه يا بنتي الكلام ده كله مكنتش اعرف انك رومانتك اوي كده
ادام فيها بحر وسرحان وتأمل يبقى كده انا مطمنة عليكي اوووووي :p
يارب يكون حصل فعلا ههههههههههههه
تحياتي
يا سلام يا سلام
انا عماله اتشاكل مع الرجاله وانتى هنا قاعده مع البحر
وكمان صاحبتك مرمر اذاعت اساعه على مدونتى انى مت
عااااااااااااااااااا
عاجبك كده
اقولك على حاجه
الاول كده يا رب اكون تعليق
انا وانا نايمه من شويه جاتلى فكره انى اكتب عن البحر
قومت لقيتك انتى كاتبه عنه
لقيت نفسى لو كتبت مش هكتب زيك طبعا
فلغيت الفكره من دماغى
بجد كلامك حلو اوى
وعلى فكره اللى جواكى من ناحيه البحر زى اللى جوايا بالظبط
كلامك بجد حلو اووووووووووووووووى
مين فينا مفكرش فى يوم ان يمشى على شط البحر ويفتكر ذكرياته
بجد بلوج هايل
اول تعليق
اول تعليق
جميل جدا احساسك بالبحر
فهو بكل تاكيد يبادلك نفس الشعور
فلا تخافى ابدا منه
حلوة اوى
هادية جدا
رقيقة خالص
تسلم ايدك يا قمر
حبيبتى مرمر
ماانتش عارفه ان بحب الهدوء و إن البحر اجمل مكان للهدوء
لا لسه ما حصلش ، بس لما يحصل ان شاء الله و ابن الحلال يشرف هتعرفوا كلكم
دعواتك
تحياتى
******************
حبيبتى ريمان
اسكتى يا ريمو ايه يا بنتى اللى عملتيه ده كله ده أنا كنت خايفه عليكى
مرمر أنا قلته امبارح على البوست بتاعك فعلا عشان تقراها هروح اشوف هى عملت ايه
الحمد الله انى نزلت البست النهارده ههههههههه بس اكيد لو انتى نزليتى البوست اللى فكرتى فيه أكيد هيكون حلو يا ريمو زيك
تحياتى
صوت من مصر
شكرا ليك أخى على ذوقك
و نورتنى و اسعدنى تعليقك
تحياتى
***************************
أسماء و أحلام فى وجدانى
شكرا ليك
خوفى بيكون ساعات
بس أوكى هحاول ما أخافش منه
تحياتى
**********************
dramaqueen
تسلمى يا حبيبتى على ذوقك
تحياتى
بسم الله الرحمن الرحيم
السلام عليكم ورحمة الله وبركاته
أختى زينب
تحياتى
بوست جميل خاااااالص
فعلا الواحد وهو على البحر بيكون جواه احاسيس مختلفه بس اغلبها حلوة وكمان بيبقى حاسس بهدؤ عجيب مش بيحس بيه فى اى مكان تانى ومش عارف ايه السبب فى كده
(بس عاوز اقول حاجه هو البحر بتاعك ده البحر العادى اللى كلنا نعرفه ولا ده بحر صناعى من كتر العياط اللى كان فى المدونةالتانيه)هههههههههههه
تقبلى مرورى وتحياتى
ودمتى بكل خير وود
والسلام عليكم ورحمة الله وبركاته
أخى المعتصم
و عليكم السلام و رحمة الله و بركاته
فعلا يا معتصم أنا لما بقف قدام البحر بحس بهدوء عجيب جدا، تحس كده انك طاير
ايوه قول اللى عندك قول( انت لو اكلمتش مش هتبقى معتصم هتبقى واحد تانى )لا يا سيدى ده بحر طبيعى مش بحر صناعى انت ماشفتش الصوره و لا ايه
انت ماجبتش المناديل ليه فى المدونه التانيه
تحياتى
ما شاء الله عليك يا زينب
ودول بيتين من عندي
انا والبحر احباب
اناجيه فيسمعني
ومهما قلت من اسرار
لا يمل ولا يكل
والقيه دايما يونسني
ولحظت ما الشمس تلمس موجه
القي همي يودعني
ويوعدني بفجر جديد
ملئ بالبسمه تلامسني
دول كلمتين علي الماشي من غير وزن ولا معني علشان ميزاني مش متظبط اليومين دول
دعواتك
غربتي
السلام عليكم
كلامك حلو أوى واحساسك عالى جدا
تحياتى ليكى
الله عليكى يازينب
احلى ما فيكى روحك الجميله
بجد كلماتك من اجمل ما يكون
سلمت يداكى ودمتى لنا
اختك نور
الله على كلامك ورقتك فى كلامك
بجد بوست جميل اوى اوى اوى هايل منك
وبجد الكلام عن البحر والقمر والنجوم واليل مش ليه بدايه ولا نهايه ويخلق الحب فى الوجود احييكى على كلامك الجميل
غربتى
حبيبتى أميرة مش بقولك انتى دايما متألقه ايه الكلام الحلو ده
ربنا يكرمك يارب
تحياتى
*****************
بنوته
شكرا حبيبتى على ذوقك
تحياتى
*******************
العاشقه
حبيبتى نور
شكراليكى على ذوقك
نورتينى ماشفتكيش من زمان
تحياتى
*********************
أخى أدم المصرى
شكرا ليك يا أدم
فعلا البحر و القمر و النجوم سبخان الخالق المبدع المصور
تحياتى
انا كمان بحب البحر بس بخاف منه بالليل
كليماتك رائعة
مازال البحر يمنينا
يزرع امالنا تبنينا
يغسل اشجانا تضنينا
ويملاء بالنور مآقينا
فلندعه يأخذ أيدينا
فالحب والنور يكفينا
كلماتك جميلة ورقيقة جدا
خاصة انك ِ ربطيها بمعشوقى وهو البحر
تحياتى
ياسلام يا زوزو
مش قلتلك انتي زينب الرقيقة
فعلا بتحملي بين جنباتك قلب رقيق مقعم بالأحاسيس الناعمة وبتعبري بأسلوب راقي وكلمات تخرج من القلب فتمس قلب قارئها
بالنسبة للبحر وفكرتي عنه دايما أقول إنه بينادي علينا نفتح دراعاتنا ونحضنه لكن في لحظة ممكن يغدر بينا وتأخذنا أمواجه إلى الفناء
علشان كده أنا أقعد قدام البحر وبيني وبينه مسافه وبتأمله وبسبح ربنا يعني بخللي وقتي قدام البحر لذكر الله وبيكون وقت ممتع جدا
خالص مودتي
و..تـحــيــاتــي
مجرد المحاولة ده شىء جميل
عزيزتي زينب
ابدعت فى وصف مشاعرك المتضاده .
فنحن كبشر بقدر عشقنا لمنضره نخافه
لانه يفسر وبدقه كلمتي الغموض والمجهول
ولكنه بالمقابل له حضور يؤنس القلب
أحسنت
لك منى كل التقدي والاحترام
Basma
شكرا ليكى حبيبتى
تحياتى
*********************
gana magde
شكرا ليكى حبيبتى على كلماتك الرقيقه
تحياتى
********************
moslemalelallah
حبيبتى مسلمة لله
ربنا يبارك لى فيكى دايما كده على طول بتشجعينى
ذكر الله فى كل و قت و خاصة الذكر و التأمل يكون جميل قوى
تحياتى
**********************
أسماء و أحلام فى وجدانى
شكرا لك
تحياتى
***********************
عزيزتى أنفاس الرحيل
كلماتك انت كمان رقيقه قوى و جميل و يسعدنى التواصل معك و ان شاء الله ماتكون اخر زيارة
تحياتى
زينب / السلام عليكم ماهذه الرقة والعذوبه ، شعر رائع أنا أيضاً أحب البحر جداً وعندما أراه أرمى به همى ودائماً أشتاق لرؤيته ( ربنا ما خلقت هذا باطلاً سبحانك فقنا عذاب النار ) دعاء عند رؤية البحر .
زوزو حبيبتي
ما اجمل كلماتك
رقيقه كعادتك
رائع ما سطرت اناملك
وكم عشقت هذه الكلمات
أحمل بين جنباتى أيضا أياما جميلة
أخاف أن تأخذها منى
تذهب بها بعيدا عنى
و تبقى لى الذكرى الحزينة
احبك فى الله يازوزو
الأخت زينت
كلمات جميله جدا
وفعلا الواحد اول مايقف قدام البحر بيفتكر كل ماهو قديم وجديد وبيحكي للبحر كأنه صديقه الحميم
والنظر للبحر بيخليني مرتاحه نفسيا وبيهدي الأعصاب
لك كل الشكر والأحترام:)
يا زينب يا حلوه يا رومانسيه .. ازيك
عماله تتغزلى فى البحر وامواجه .. والبحر فعلا يستاهل الغزل دا واكتر ..خصوصا بحر اسكندريه يا شط الغرام .. رحنا اسكندريه رمانا الهوى .. يا دنيا مريه وليالى رديه .. شط اسكندريه .. شط اسكندرررريه.. فيروز
اما بشوفك عندى مش عارف بابقى مبسوط ليه يا زينب
تحياتى ليكى
حياتى نغم
شكرا لكى حبيبتى على ذوقك
تحياتى
******************
حبيبتى ساره
شكرا ليكى يا قمر ربنا يخليكى ليا
و أنا كمان بحبك فى الله
تحياتى
flowe girl
أختى العزيزه
شكرا ليكى انا فعلا لما بشوف البحر بحس انى عايزه أفضل قاعده قدامه خاصة بالليل ولو انى بكونخايفه من العتمه
تحياتى
**************************
أستاذى و عمى العزيز fashkool
ضحكتنى و الله
طيب الحمد لله انك بتتبسط لما بتشوفنى فى مدونتك
يارب أشوفك مبسوط و سعيد على طول
تحياتى
اعشق البحر واعش الكلام عنه
هو دائما يحتوينا ويأخذنا الي عالم جميل ملئ بالرومانسية
اشكرك بشده علي كلماتك الجميلة الحساسة
وتقبليي زيارتي لمدونتك الجميلة
سلام
يستحق البحر كل هذه الكلمات
كلماتك رائعة
دمتى بكل الود أختى العزيزة
بسم الله الرحمن الرحيم
السلام عليكم ورحمة الله وبركاته
أختى الكريمة زينب
تحياتى
بعتنا النهارده علبتين مناديل (وكمان من المعطرة)فى شركة الشحن علشام ماتقوليش فين المناديل
بس هو فيه حاجه بما انك مش هتدفعى تمنهم يبقى هتدفعى تمن الشحن(الدفع عندالاستلام)
وطبعا انا كتبت لهم العنوان دمياط الدور التانى وهيوصلهالك لغاية باب الشقه
هههههههههههه
اما بخصوص الصورة فعادى هو البنات هتغلب فى حتة بحر ده انتو مش بتخلصو دموع شغالين ولا حنفية المطافى !!!!
ههههههههه(عشان ابقى معتصم)
تحياتى
ودمتى بكل خير وود
والسلام عليكم ورحمة الله وبركاته
يا لها من مشاعر تلك التى تخرج امام البحر
مشاعر متناقضه و رؤيا ايضا متناقضه لكنها حالمه
تحياتى
يااااه على البحر وجمال البحر
مفيش أحلى من التمشية على البحر ساعة الصبحية بدرى فى أول شروق للشمس
أنا كتبت أفضل ماكتبت على البحر الصبح بدرى
البحر عندى رمز للهدوء والصفاء والشجن ..والرومانسية
موضوع رائع عبرتى عنه بكلمات أروع
دمتى بكل الود .. تحياتى
كلمات عذبة ورقيقة وارق من نسمات البحر فى شهور الصيف
كلنا نعشق البحر وجماله
ولكن كلماتك فاقت الوصف وعبرت عما بداخلنا وشوقنا للبحر
تسلم ايديكى
مدونتك رائعة جدا
اتمنالك التوفيق دائما
تحياتى وتقبلى مرورى
خالد
ورده
أختى ورده مين فينا مايعشق البحر و جماله
شكرا لكى حبيبتى
تحياتى
***********************
أخى mohamed ghalia
شكرا لك أخى
تحياتى
************************
أخى المعتصم
ليه كده دا أنا كنت بقول عالصعايده كرماء مش اللى يعمل حاجه يتمها
وبعدين مالهم البنات ( عشان يعنى بيعيطوا كتير ) شكلك موضوع ريمان صديقتنا مأثر عليك ههههههههه
تحياتى أخى المعتصم
Rania
شكرا لكى عزيزتى على كلماتك الرقيقه
تحياتى
*******************
د/ رامى شهاب الدين
شكرا لك أخى عندك حق طبعا يا سلام على البحر و الهدوء و الشجن و الرمانسيه و الصفاء اللى تحسهم لما تقف قدامه
نورتنى و ان شاء الله ماتكون اخر زياره
تحياتى
******************
همس الأحباب
أخى خالد
شكرا لك على كلماتك الرقيقه
نورتنى و ان شاء الله ماتكون اخر زياره
تحياتى
ازيك يازينب انا بحب اسمك جدا جدا واحب اقول لكل زينب بحبهازوزو...
زوزو انتى رقيقه قوى قوى البحر يااااااااااااه على البحر يحمل بين شطآنه وفى اعماقه كل معانى الحياه كما صورتى انتى الجمال والحب والحزن والسعاده والشباب والمرح والحزن الدفين الشروق اغروب .. اذهبى الى البحر فى اى وقت تجدى اى شئ تبحثين عنه ولكن ...اياكى وغدره حيث ثورته
لكى كل الحب
بسم الله الرحمن الرحيم
السلام عليكم
بقى كنتى كنتى بتقولى على الصعايده كرما يعنى دلوقتى فكرتك اتغيرت عنهم ؟؟؟
ماشى
يبقى انا باعتلك علبتين من الحجم الكبير550منديل فى العلبه وتقولى كنت كل ده علشان مصاريف الشحن ؟ شكلى كده هصدق الكلام اللى بيتقال على الدمايطه على الرغم من ان اصحابى الدمايطه مش كده بس انتى كده هتخلينى اغير فكرتى
والاخت ريمان مش متمرده على اشباه الرجال وبس دى شكلها كده كرهت الرجاله كلهم دى مش قايلة على حسنةواحده لأى راجل صحيح فى اخر البوست قايله انه مش كله الرجاله كده بس تحسى انها قايلاها من تحت الضرس احنا مااختلفناش انه فيه رجاله كتير مش كويسين ودول اصلا ماينفعش انه يتقال عليهم رجاله اصلا بس برضو فيه رجاله كويسين ويعرفو ربنا ومحترمين
وزى مافيه كده وكده فى الرجاله برضو فيه كده وكده فى الجنس اللطيف ولا ايه؟
وبعدين انا هبعت اسم المدونة بتاعة ريمان للجماعه المهابيش بتوع المجلس القومى للرجل ويبقو يتفاهمو مع بعض هما وانا هطلع منها ههههههههههه
تقبلى تحياتى
ودمتى بخير وود
والسلام عليكم ورحمة الله وبركاته
عزيزتى بس خلاص
شكرا ليكى حبيبتى على كلماتك الرقيقه
و اناكمان بحب حبايبى ينادونى باسم زوزو
نورتينى والله
**********************
تحياتى
أخى المعتصم
علبتين مناديل حجم كبير ( كتر خيرك )بس يعنى جت عالشحن بحسبك هتقول أى خدمه
بأه كده يا معتصم احنا الحمد لله مش بخلا وانت بنفسك قلت ان زمايلك الدمايطه مش كده الحمد لله
وبعدين مش انت اللى قلت اللى يعمل حاجه يتمها فاكر ( فى موضوعى ديوان الشافعى فى مدونتى التانيه )على فكرة انا لسه ماظبطش الديوان
و بعدين خلاص يعنى احنا هنتشاكل عشان علبتين مناديل أمال لو كنت هتبعتهم بجد ؟؟ ياربى
أما بالنسبه لموضوع ريمان فهى بصراحه عندها حق فى كلام كتير قالته بس يا معتصم انا شايفه ان نسبة الوحشين كترت قوى قوى و الكويسين قلت قوى قوى
و بالنسبه للمرأه أكيد برده زى مافيه الحلو فيه الوحش
تحياتى
***********************
م / حسين اللزومى
يارب يحمى مصر و يفقها و يوفق الحكام العرب لما فيه الخير و الصلاح
تحياتى
حبيبتى
جميل ما كتبتى فما اجمل الطبيعة التى خلقها الله من اجلنا وجعلها تريح الانسان عندما ينظر اليها فعندما يتأمل الانسان خلق الله يجد نفسه يخرج كل ما فى نفسه من جمال فسبحان الخالق المبدع ، وما اجمل البحر عندما نراه فنتحدث اليه ونشعر انه يسمعنا ويرد علينا ، لقد اخترتى شىء جميل ووصفتى احساسك بصدق نعم اننا جميعا مثلك وحالنا من حالك عندما نرى البحر ونغوص فيه بأعيننا ونسبح فيه بفكرنا
ماشاء الله عليكى .
السلام عليكم ورحمة الله وبركاته
غاليتي زينب
قلمك يحمل مشاعر صادقة
ويخط أحاسيس بالغة
راقتني حروفك غاليتي
جياشة معانيها
وحبكتها فريدة
أسجل زيارتي المتواضعه فرجائي أن تقبليها ...
اشكرك على زيارتك لمدونتي
واتمنى يدوم التواصل
دمتي بخير وسعاده
جميله فيها شعورين مع بعض الخوف والحب فكره معبره وهايله
ايه يازينب انتى صدقتى ولا ايه انا بهزر بس وبعدين ياستى اناممكن ابعت المناديل بجد وغير المناديل كمان انتى تؤمرى انا مستعد ادبح محسن وابعتهولكم على العيد الكبير يسلام اى خدمة
وهو احنا نقدر نزعل الدمايطه مننا
دول اللى بيأكلونا احلى حلاوة وبناخد من عندهم كل العفش بتاعنا
انتى عاوزة تعملى عليا حصار ولا ايه ياست زينب
السماح والرضا ههههههههههههه
ايوة فعلا نسبة الوحشين بقيت كتير بس فى الاتنين مع بعض مش فى الرجاله بس وده بسبب بعدنا عن تعاليم الدين اللى بتدلنا ازاى نعيش فى حياتنا
تقبلى تحياتى
ودمتى بكل ود وخير
نبض الحياة
نعم انه حقيقة احساس يملكنا جميعا و يسيطر علينا
شكرا لك
تحياتى
***********************
الأيام
الله شكرا على كلماتك الرقيقه و الرائعه الإحساس
ان شاء الله يدوم التواصل
تحياتى
kalamfady
شكرا لك
تحياتى
*******************
أخى المعتصم
خلاص يا معتصم براءه كل الكرم ده ماشى يا سيدى بس مش لدرجة تدبح محسن و بعدين تروح فى سين وجيم لا خلينا فى المناديل أرحم
تحياتى
ربنا يكرمك و يوفقك
ما شاء الله ما شاء الله
كلام جميل جدا سلمت يمناك حبيبتي
البحر سبحان من خلقه من اجمل و اروع الاماكن الي احب اروحلها وارتاح اوي و انا فيها و زي ما عبرتي عن شعورك و انتي عنده بكون حاسة انا كمان
كلماته ورعة فعلا
جميلة قوي احساسك اي زينب
بجد شعورك مرهف
وعاطفتك رائعة
مزيدا من التدقم ربنا يوفقك حبيبتي
البحر
البحر ليه تركيبة عجيبة .. ضخم .. غير محدد الملامح والألوان .. هادر وحيانا هاديء .. مافيش حد يقف قدامة إلا ويحرك جواه أحاسيس مختلفة .. بتبدأ من إسترجاع الماضي وتقييم الحاضر وإستحضار أحلام اليقظة عن المستقبل
أنا مجرب كل ده
اختى الجميلة
القلم رافض يكتب اى حاجة مفيهاش حزن
غلبنى اوى وتعبته اوى
السلام عليكم ياجميل بجد تسلم ايديكى البوست جميل جدا مش عارفة ايه اللى دايما بيشد فى البحر وبيبهر الناس دايما دايما لما بتكونى قدامه بتحكى ليه من غير خوف ولا تردد يمكن علشان بيغسل همومنا
بس انا التخيل اللى جالى ان البحر ده هوا الحياة ساعات بنحبها ونقبل عليها وتكون صافية وهادية زى النسمة الخفيفة
وساعات بنكرها وبتكون زى الموج العاصف واللى بتخدنا فى ريحها
ساعات بتحبى البحر زى الحياة وبيكون نفسك تعيشيها بس بتخافى تسرق منك اجمل الذكريات اللى فى الاغلب بتكون حزينة
واااااااااااااااااو
جامده جامده
الطالبه عفو الله
شكرا لكى حبيبتى
نورتينى و اسعدنى وجودك
تحياتى
***********************
naglaa elgafary
شكرا لكى حبيبتى على ذوقك
نورتينى و ان شاء الله ماتكون اخر زيارة
تحياتى
************************
يا مراكبى
فعلا كل كلمه قلتها عندك حق فيها
تحياتى
**************************
أسماء و أحلام فى وجدانى
ان شاء الله فرجه قريب و ستفرح و تتبدل أبياتك الى فرح فلا تحزن
تحياتى
حبيبتى ايوشه
نورتينى يا قمر و اسعدتينى بوجودك و كلامك
تحياتى
****************
غير معرف
ان شاء الله سأزور مدونتك قريبا
نورتنى
تحياتى
*****************
كــيارا
شكرا ليكى يا قمر
تحياتى
إرسال تعليق