ليه يا قلبى؟

ليه يا قلبى ؟
تحب تفتكر الماضى و اللى كان منه
و كأنك حالف بإنك
لازم تعيش عذابه و غمه

حرام عليك يا قلبى اللى إنت فيه
بتدور ع الحزن من تانى ليه
و ترجع أنين الماضى و ظلام لياليه


ليه يا قلبى؟
ده الماضى بقى صفحة فى كتاب إنطوت مع مر الزمان
ليه راجع تفتحها تانى وتعانى و تعانى
تعانى مابين سطورها
أيام عذابها و قسوتها
ده خلاص كله إنتهى و بقى إسمه كان


لازم يا قلبى تنسى اللى فات
ترمى كتاب زمان اللى بقى كله ذكريات
و تفتح صفحه جديده فى كتاب الأمان
صفحة كلماتها حب و حنان
ما فيهاش بـكا مهما كان
كل اللى فيها ضحكة منورة
و فرحة طويلة مش قصيرة
سطورها سطر ورا سطر
بتدور ع المستقبل اللى جاى
مش ع الأهات و أطلال زمان

بقلمى