غمضت عينيا

غمضت عينيا
خادنى الحلم لبعيد………
خادنى لدنيا تانيه

دنيا فيها إحساس جديد
إحساس لقيتنى فيه مرتاحه
دنيا فارده لى دراعتها
ضمتنى مابين أحضانها
كأنى طفل فى حضن أمه
تاه منها وسط زحمه
و فجأة لقيته قدامها
سقتنى و روتنى من نبع حنانها

حنانها اللى شربت منه
و قلت آآآآآآآه يااااااااانى
لو منه كمان تانى............
ما هو لازم أقول تانى........
لأنى ما دقتوش قبل كده فى زمانى


فجأة صحيت من حلمى
فتحت عينيا و رجعت لزمانى من تانى

زمانى اللى كله صعب
فيه اللى ماشى من غير قلب
شايل حجر صوان ما بيهتز
فيه اللى باع الضمير
فيه الظلم سيطر ع الجميع
فيه اللى ماشى و ساكت
حتى من غير صرخة ألم تصحى النايم و الجميع


أنا و إنت و هو و هى
لازم نغير الدنيا ديه
محتاجين لزمان فيه حنيه
مليان بحب يكون ليك وليا

قوم يلا إيدك فى إيديا
نغير الدنيا ديه
و إوعى تقول العيب مش فيا
أو تجيب العيب م الزمن و الدنيا ديه
لأ ,, ده العيب فينا إحنا
مش فى الزمن ولا فى الدنيا ديه

بقلمى